2022 yil 29 mart kuni viloyat sanitariya-epidemiologik
osoyishtalik va jamoat salomatligi boshqarmasida fuqaro muhofazasi tuzilmalarining
"Tabiiy xususiyatli favqulodda vaziyatlar (zilzila)da harakatlari" mavzusida
maxsus-taktik o‘quv mashqi o‘tkazildi.
O‘quv mashqida jami 73 nafar xodimlar va 8 ta texnika ishtirok etdi.
O‘quv mashqi 2-bosqichda o‘tkazildi.
1-bosqichda viloyat sanitariya-epidemiologik osoyishtalik
va jamoat salomatligi boshqarmasi fuqaro muhofazasi tuzilmalariga xabar berildi
hamda tuzilmalar yoyildi, saf ko‘rigi o‘tkazildi, ularning asbob-anjomlar bilan
ta’minlanganlik holati tekshirildi va tegishli topshiriqlar berildi.
2-bosqichda tabiiy tusdagi favqulodda vaziyatlarda
Viloyat sanitariya-epidemiologik osoyishtalik va jamoat salomatligi boshqarmasi
tarkibidagi fuqaro muhofazasi tuzilmalarining qutqaruv otryadi shaxsiy tarkibi harakatlarni
to‘g‘ri tashkil etish bo‘yicha bilimlarini oshirish va ularda amaliy ko‘nikmalar
hosil qilish maqsadida qutqaruv yordam otryadi mutaxassislarining zilzila oqibatida
bino ichida qolib ketgan ishchi-xodimlarni aniqlash, ularga birinchi tibbiy yordam
ko‘rsatish va bino ichidan olib chiqilib, belgilangan shifoxonalarga evakuatsiya
qilish amalda ko‘rsatib berildi.
Mashq yakuni bo‘yicha viloyat sanitariya-epidemiologik
osoyishtalik va jamoat salomatligi boshqarmasi tarkibidagi fuqaro muhofazasi tuzilmalari
yig‘ilib, o‘quv mashqining yutuq va kamchiliklari bo‘yicha izoh berildi.
